Os Phoenix Suns nomearon ao ex base 'All-Star' Terry Porter como o seu novo adestrador-xefe para a próxima tempada, na que substituirá a Mike D'Antoni, que fichou cos Knicks nada máis concluír a tempada regular, tras protagonizar unha notable etapa nas filas da franquía de Arizona. Deste xeito, Porter, que estivo as dúas últimas tempadas como adestrador axudante de Flip Saunders nas filas dos Detroit Pistons, volve tomar o control dunha franquía da NBA, logo de dúas campañas (2003-2005) no seo dos Milwaukke Bucks. Anteriormente, Porter estivo 17 tempadas como xogador na NBA, destacándo o seu paso por Portland. Agora, o ex base terá ás súas ordes a un dos mellores directores de xogo da liga, o canadense Steve Nash. Ademais, o sempre difícil ego de Shaquille O'Neal será outro dos principais asuntos que deberá afrontar o novo técnico.
No hay comentarios:
Publicar un comentario